Екипно првенство за млади 2025 г.

Во организација на ШФМ викендов во Yahya Kemal College се одржаа младинските екипни државни првенства во категориите до 8, 10, 12, 14, 16 и 18 години и девојчиња до 10 и до 12 години.

На првенствата учествуваа 46 екипи, или вкупно 257 шахисти.

Најуспешен младински клуб е ШК Гамбит со 3 златни, и 1 една сребрена медалја, пред ШК Алкалоид чии екипи освоија 2 златни, две сребрени медалји и еден бронзен и ШК Капабланка со две златни и две сребрени медалји.

Победници по категории се следниве екипи:

Момчиња до 8 години:

ШК Гамбит, Скопје

МШК Центар, Скопје

ШК Куманово1, Куманово

Момчиња до 10 години:

ШК Капабланка, Скопје

ШК Алкалоид, Скопје

ШК Цареви Кули, Струмица

Момчиња до 12 години:

ШК Капабланка, Скопје

ШК Алкалоид, Скопје

ШК Куманово1, Куманово

Момчиња до 14 години:

ШК Алкалоид, Скопје

ШК Капабланка, Скопје

ШК Ласкер, Охрид

Момчиња до 16 години:

ШК Мултиесенс, Скопје

ШК Капабланка, Скопје

ЖШК Прилеп, Прилеп

Момчиња до 18 години:

ШК Алкалоид, Скопје

ШК Гамбит, Скопје

ШК Шах Шех, Битола

Девојчиња до 10 години:

ШК Гамбит, Скопје

ШК Цареви Кули, Струмица

ШК Алкалоид, Скопје

Девојчиња до 12 години:

ШК Гамбит, Скопје

ШК Гази Баба 1976, Скопје

Резултати и конечни табели може да ги најдете на следниот линк. Треба да се знае дека турнирите 12,14,16 и 18 години млади се рејтингуваат.

Шах во школи – Струмица 2025

Шах во школи - Струмица 2025

Промоција на шахот во Македонија преку проектот на ШФМ шах во школи продолжува континуирано да дава резултати. Овој пат учениците од четврто одделение од ОУ “ Никола Вапцаров” од Струмица со одделенскиот наставник Наташа Атанасова во рамките на изборниот предемет беа во посета на локалниот шаховски клуб Цареви Кули. Преку дружење и играње на шаховски партии учениците добија незаборавно искуство како и интерес кон оваа древна и најпопуларна игра. Шаховскиот клуб Цареви Кули го посетија и учениците од ОУ “Санде Масев” со предметниот наставник Василка Јовановска.

Воислав Мерџановски претседател на ШФМ

На 19.03.2025 во Скопје во хотел Континентал поради оставката на претседателот на ШФМ Саша Богдановиќ се одржа вонредно Изборно Собрание. На собранието присаствуваа 30 делегати на клубови со право на глас. Собранието започна со едно минутен молк во знак на оддавање почит на починатите во трагедијата во Кочани. На Собранието своја кандидатура поднесоа двајца кандидати за претседател, Воислав Мерџаноски и Оливер Деркоски. Со мнозинство од 18 гласови , за нов претседател на ШФМ е избран г-динот Воислав Мерџаноски и му посакуваме со успех да ја води Шаховската Федерација на Македонија.

Седум дневна жалост во Р. С. Македонија

Шаховската федерација на Македонија со длабоко жалење изразува сочувство до семејствата на настраданите и желба за побрзо закрепнување и оздравување на повредените од трагичниот настан во Кочани, каде 59 млади луѓе го загубија животот и над 150 се повредени. Апелираме до сите клубови да ги откажат планираните шаховски турнири и натпреварувања во согласност со прогласената 7 дневна жалост во земјата.

Кандидати за претседател на ШФМ

По одлука за оставка на функцијата Претседател на ШФМ , на годинашново изборно Собрание кандидатура поднесоа господинот Воислав Мерџановски и господинот Оливер Дерковски. За господинот Воислав Мерџановски CV-то може да ги погледнете на следниот линк, а за господинот Оливер Дерковски на следниот линк. 

Вонредно изборно собрание 2025

Вонредно изборно собрание на ШФМ ќе се одржи на 19.03.2025 година во 18.30 часот во Хотел Континентал. Покана за оваа собрание може да ја преземете од тука.

Извинување

Претседателот на судиска комисија Зоран Илиќ се извинува на судиите Александра Гакидова ,Војче Мерџановски и Вахидин Исмаили  зошто е направен превид при ажурирање на списокот на судии на листата на ШФМ. Имено станува збор за Фиде арбитри кои не претсатвуваат и на меѓународна сцена. Во прилог корегиран список на судии на ШФМ може да го видите тука.

Известување за судии на ШФМ

Судиска комисија на ШФМ ги известува сите судии кои сакат да судат во календарската 2025 година, да напишат мејл до Претседателот на судиска комисија Илиќ Зоран (zoran_ilik@yahoo.com) најкасно до 15 март оваа година и наведат на кој турнир што го организира ШФМ сакаат и можат да судат. Турнирите се објавени на календарот на ШФМ за 2025 г. Список на активни судии на листа на ШФМ може да го видите тука.